एमबीबीएसच्या दुसऱया वर्षात शिकत असलेल्या विद्यार्थ्याने आत्महत्या केल्याची घटना आज चारकोप परिसरात घडली. अजय जांगिड असे मृताचे नाव आहे.
अजय हा चारकोप येथे राहत होता. तो एमबीबीएसच्या दुसऱया वर्षात शिकत होता. आज सकाळी साडे दहाच्या सुमारास अजयने घरातील हॉलमध्ये गळफास लावून आत्महत्या केली. हा प्रकार त्याच्या कुटुंबीयांच्या लक्षात आला. याची माहिती चारकोप पोलिसांना देण्यात आली. काही वेळातच पोलीस घटनास्थळी आले. पोलिसांनी अजयला रुग्णालयात दाखल केले. तेथे डॉक्टरांनी त्याला मृत घोषित केले. पोलिसांनी अजयच्या कुटुंबीयांचा जबाब नोंदवून घेतला.
