संगीत भूषण पंडित राम मराठे यांचे ज्येष्ठ पुत्र गायक व हार्मोनियम ऑर्गन वादक पंडित संजय मराठे यांचे हृदयविकाराच्या तीव्र झटक्याने ठाण्यातील रुग्णालयात निधन झाले. ते 68 वर्षांचे होते. त्यांच्या पश्चात पुत्र गायक भाग्येश मराठे, प्राजक्ता मराठे, पत्नी, सूना आणि नातवंडे असा परिवार आहे.
संगीत भूषण पंडित राम मराठे यांच्या नुकत्याच झालेल्या जन्मशताब्दी वर्षात वर्षभर अनेक कार्यक्रमांचे आयोजन करण्यात संजय मराठे यांचा मुख्य सहभाग होता. त्यांचे धाकटे बंधू गायक मुकुंद मराठे यांच्यासह त्यांनी संगीत मंदारमाला हे संगीत नाटक राम मराठे यांच्या जन्मशताब्दी वर्षात रंगमंचावर आणले होते. या नाटकाचे आजही जोरदार प्रयोग सुरू आहेत. त्यांच्या पार्थिवावर उद्या सोमवारी अंत्यसंस्कार करण्यात येणार आहेत.
