परभणी शहरातील जिल्हाधिकारी कार्यालयासमोर असलेल्या डॉ. बाबासाहेब आंबेडकर यांच्या पुतळा परिसरात संविधानाची प्रत ठेवण्यात आली होती. या संविधान पुस्तिकेच्या विटंबनेनंतर बुधवारी जिल्हा बंदची हाक देण्यात आली होती. सकाळपासून परभणीत कडकडीत बंद होता. यावेळी काही आंदोलकांनी रस्त्यावर उतरत आरोपीला फाशीची शिक्षा द्या अशी मागणी केली. आंदोलन शांततेत सुरू असताना अचानक काही भागात दगडफेकीच्या घटना समोर आल्या. पोलीस प्रशासन आणि आंदोलक यांच्यात काही भागात बाचाबाची झाली. तर काही भागात संतप्त जमावानं पोलिसांच्या गाड्यावर दगडफेक करत विरोध दर्शवला. पोलिसांनी देखील आंदोलकांना पांगवण्यासाठी सौम्य लाठीचार्ज केला. पाहा क्षणचित्रे…
