राज्यात महायुतीला बहुमत मिळाले तरी अजून सरकार स्थापन झाले नाही. त्यात काळजीवाहू मुख्यमंत्री एकनाथ शिंदे साताऱ्यात गावी गेले आहेत. काळजीवाहू सरकारला काम नसतं म्हणून शिंदे गावी गेले आहेत असे कारण अजित पवार यांनी दिले आहे.
पुण्यात बाबा आढाव यांनी आत्मक्लेश आंदोलन सुरू केले आहे. अजित पवार यांनी बाबा आढाव यांची भेट घेतली. त्यानंतर माध्यमांशी बोलताना त्यांना विचारलं की मुख्यमंत्र एकनाथ शिंदे सुट्टीवर का गेले आहेत. त्यावर अजित पवार म्हणाले की, प्रचारामध्ये सगळे अडकलेले होते, शनिवार रविवार सुट्टी असते, त्यात काळजीवाहू सरकारला काम नसतं, म्हणून एकनाथ शिंदे गावी गेले आहेत. तसेच पाच तारखेला शपथ होईल असा अंदाज आहे असेही पवार म्हणाले.
