जळगाव जिल्ह्यातील जळगाव ग्रामीण मतदारसंघात गुलाबराव विरुद्ध गुलाबराव लढत पाहायला मिळत आहे. मिंधे गटाकडून गुलाबराव पाटील, तर शरद पवार यांच्या राष्ट्रवादी काँग्रेस पक्षाकडून गुलाबराव देवकर निवडणुकीच्या मैदानात उतरले आहेत. त्यामुळे या मतदारसंघातील लढतीकडे संपूर्ण राज्याचे लक्ष लागले आहे. 2024 च्या निवडणुकीत पुन्हा एकदा गुलाबराव विरुद्ध गुलाबराव सामना पाहायला मिळत आहे. जळगावमध्ये बेरोजगारी, म्हसावद येथील अपूर्ण उड्डाणपुलाचा प्रश्न, कवयित्री बहिणाबाई चौधरी स्मारकाचे बांधकाम हे मुद्दे महत्त्वाच्या मुद्दय़ांपैकी आहेत.
