बिग बॉस मराठी-5 चा विजेता ठरल्यानंतर सूरज चव्हाणचे नशीब पालटले आहे. शो जिंकल्यानंतर सूरजला 14.6 लाख रुपये मिळाले. सूरजला एक नवा चित्रपट मिळाला आहे. आता दिवाळीआधीच एक नवी कोरी स्कुटी मिळाली आहे. ही सूरजसाठी दिवाळी भेट ठरली आहे. सूरजने नुकतेच आपल्या सोशल मीडिया अकाउंटवरून काही फोटो शेअर केले आहेत. या फोटोमध्ये तो नव्या कोऱ्या स्कूटरसोबत दिसत आहे. सूरजची ही स्कुटर इलेक्ट्रिक स्कुटर आहे. स्कुटीवर बसून सूरज आनंदी दिसत आहे. स्कुटर दिल्याबद्दल सूरजने तुनवाल ई-मोटर्सचे आभारसुद्धा मानले आहेत. सूरजच्या पोस्टवर त्याच्या चाहत्यांनी भरभरून शुभेच्छा दिल्या आहेत. बिग बॉस मराठी शो जिंकल्यापासून झापूकझुपूक म्हणत सूरजने अनेकांना वेड लावले आहे. आपलेसे केले आहे.
View this post on Instagram
