पाळीव कुत्र्याला अमानुष मारहाण करून फासावर लटकवलं; पुण्यातल्या घटनेवरून प्राणीप्रेमींकडून संताप व्यक्त

सामना ऑनलाईन
|

पुण्यात एक विचित्र घटना घडली आहे. पाळीव कुत्र्याला अमानुष मारहाण करून त्याला फासावर लटकवल्याची घटना उघड झाली आहे. घरात कुत्रा पाळणं शक्य होत नसल्याने माय लेकाने मिळून कुत्र्याला मारलं. सोशल मीडियावर यासंदर्भातील फोटो व्हायरल होत आहे. या घटनेनंतर प्राणीप्रेमींकडून संताप व्यक्त केला जात आहे. या प्रकरणी महिलेसह तिच्या मुलाविरोधात गुन्हा दाखल करण्यात आला आहे.

पुण्यातील पिरंगुट परिसरात ही घटना घडली आहे. प्रतिभा जगताप ( आई) आणि ओमकार जगताप (मुलगा) असे या दोन आरोपींची नावे आहेत. जगताप कुटुंबाने आपल्या घरात कुत्रा पाळला होता. मात्र काही काळाने त्याला सांभाळण शक्य होत नसल्याने त्यांनी कुत्र्यासोबत संतापजनक कृत्य केलं. आधी प्रतिभा जगताप यांनी कुत्र्याला काठीने बेदम मारहाण केली. त्यानंतर मुलाने कुत्र्याच्या गळ्यात दोरी बांधून त्याला फास लावून झाडाला लटकवलं. या प्रकरणी मिशन पॉसिबल फाउंडेशनच्या वतीने पोलिसात तक्रार दाखल करण्यात आली आहे.

पोलिसांनी प्रभावती जगताप आणि ओंकार जगताप यांच्याविरोधात गुन्हा दाखल केला आहे. या प्रकरणाचा अधिक तपास पोलीस करत आहेत. दरम्यान या श्वानाचे झाडाला लटकलेल्या जखमी अवस्थेतीतल काही फोटो सोशल मीडियावर व्हायरल झाले आहेत. त्यामुळे नागरिकांकडून प्रचंड संताप व्यक्त केला जात आहे.

संबंधित बातम्या या पब्लिशरकडून आणखी