संदीप रेड्डी वंगा यांची अ‍ॅक्शन फिल्म अ‍ॅनिमल प्रचंड गाजली. या चित्रपटावर अनेक चांगल्या वाईट प्रतिक्रिया उमटलेल्या पाहायला मिळाल्या. या चित्रपटातील अभिनेत्री तृप्ती डिमरी या चित्रपटामुळे बरीच चर्चेत आली. या चित्रपटाला प्रेक्षकांकडून भरभरून प्रतिसाद मिळाला. मात्र या चित्रपटातील तृप्तीच्या भूमिकेवर प्रेक्षक नाराज झाले होते. याबाबत आता तृप्तीने खुलासा केला आहे.
अ‍ॅनिमल चित्रपटानंतर तृप्ती प्रसिद्धीच्या झोतात आली. मात्र तिला टीकेला देखील सामोरे जावे लागले. या टीकांमुळे 2-3 दिवस ती सतत रडली. माझ्यावर अशा प्रकारची टीका केली जाईल, अशी मला कधीच अपेक्षा नव्हती. कमेंट्स वाचून चक्रवायला झाले होते, असे तृप्तीने एका मुलाखतीत सांगितले आहे.
तृप्ती नुकतीच रणवीर अलाहबादिया याच्या पॉडकास्टवर मुलाखतीसाठी गेली होती, यावेळी तिने याबाबत खुलासा केला. या घटनेनंतर तृप्तीच्या बहिणीने तू जे काही मिळवले आहेस, ते साध्य करण्याकरीता त्या पाठची मेहनत तुला माहीत आहे, त्यामुळे लोकांच्या बोलण्याकडे फार लक्ष देऊ नको अशा शब्दात तिने तृप्तीला समजावले.
पुढे तृप्तीने, मी एक संवेदनशील व्यक्ती आहे. कुणाशी भांडण झाले तर त्यानंतर मी माझ्या कोशात जाते. या घटनेनंतर ही तसेच झाले. टीका पाहून माझ्या मनावर फार वाईट परिणाम झाला. त्यानंतर टीकांचे वाढते प्रमाण पाहून खूप वाईट वाटले. पण माझ्याकडे त्याचवेळी खूप काम होते. त्यामुळे टीकांवर प्रतिक्रीया देण्यासाठी माझ्याजवळ फार वेळ नव्हता, असे तिने सांगितले.
अभिनेत्रीने, यावेळी कधी कधी मन मोकळे करण्यासाठी काही वेळा रडणे चांगले असते. रडल्याने मनावरचा ताण कमी होतो, आणि हळूहळू त्या प्रंसगातून बाहेर पडण्यासही मदत होते, असे सांगितले.
बॅक टू बॅक हिट्सनंतर तृप्ती लवकरच राजकुमार रावसोबत कॉमेडी-ड्रामा “विकी विद्या का वो वाला व्हिडीओ” या चित्रपटात दिसणार आहे. येत्या 11 ऑक्टोबरला सिनेमागृहात प्रदर्शित होणार आहे.
