लाडकी बहीण कार्यक्रमासाठी गर्दी जमवण्याचा अट्टाहास महिलांच्या जीवावर बेतला असून रायगड जिल्ह्यातील माणगावमध्ये एसटी बसला भीषण अपघात झाला आहे. चालकाचे नियंत्रण सुटून एसटी बस 50 फूल खोल दरीमध्ये कोसळली. सुदैवाने यात मोठी जीवितहानी झालेली नाही. मात्र 8 महिला जखमी झाल्या असून एकीची प्रकृती गंभीर असल्याचे वृत्त माध्यमांनी दिले आहे.
मिळालेल्या माहितीनुसार, लाडकी बहीण कार्यक्रमासाठी गर्दी जमवण्यासाठी माणगाव तालुक्यातील मांजरोणे येथील रानवडे खुर्द गावातील महिलांना नेण्यासाठी एसटी बस पाठवण्यात आली होती. या बसमधून जवळपास 29 ते 30 महिला माणगाव येथे निघाल्या होत्या. मांजरोने घाटामध्ये एका अवघड वळणावार चालकाचे नियंत्रण सुटले आणि बस कठडा तोडून 50 फूट खोल दरीमध्ये कोसळली.
दरम्यान, या अपघातात 8 महिला जखमी झाल्या आहेत. त्यामधील एका महिलेची प्रकृती चिंताजनक असल्याची प्राथमिक माहिती देण्यात आली आहे. जखमी महिलांवर माणगाव उपजिल्हा रुग्णालयात उपचार सुरू आहेत.
View this post on Instagram
