पुण्याच्या पोर्शे हिट अँड रन प्रकरणात पुणे पोलिसांनी शुक्रवारी धक्कादायक खुलासे केले आहेत. नवीन खुलाशानुसार आरोपीच्या पोर्शे कार चालवणारा आरोपी मुलगा हा नशेत होताच. मात्र त्याचवेळी त्याला वाचवण्यासाठी आलेले वडील, आई, भाऊ हे कुटुंबीय देखील नशेत होते.
पोलिसांनी दिलेल्या माहितीनुसार ससून रुग्णालयातील डॉक्टरांना आरोपीच्या रक्ताचे नमुने त्यांच्यासोबत बदलण्यासाठी लाच देण्यात आली होती तेव्हा आरोपीचे वडील, आई आणि भाऊ हे सर्व नशेत होते.
रक्तातील अल्कोहोलच्या पातळीबद्दल खोटे बोलून गाडीचालक मद्यधुंद मुलाला वाचवण्याचा हा प्रयत्न होता.
पोलिसांनी सांगितले की, प्रथम चालक मुलाच् जागी मुलाचे वडील किंवा भावाच्या रक्ताचे नमुने वापरण्याची होती. पण ते दोघेही मद्यधुंद अवस्थेत असल्याने, त्याऐवजी आईचे रक्त घेण्यात आले, ज्यांना नंतर अटक करण्यात आली.
यापूर्वी या आरोपी मुलाच्या आईने एक व्हिडीओ संदेश दिली होती की, एक व्हायरल व्हिडिओ ज्यामध्ये तिचा मुलगा गाडी चालवत असल्याचा दावा केला जात आहे तो खोटा आहे. तसेच तिने पोलिसांना त्याला सुरक्षा देण्याच आवाहन केलं आणि कॅमेरासमोर रडू लागली.
अपघातस्थळी प्रत्यक्षदर्शींनी दिलेल्या माहितीनुसार, मुलगा इतका नशेत होता की त्याला उभे राहता येत नव्हते. परंतु प्राथमिक वैद्यकीय अहवालात रक्तातील अल्कोहोलचे ‘निगेटिव्ह’ रिडिंग आले होते.
ससून रुग्णालयातील दोन डॉक्टर डॉ. अजय तावरे, तत्कालीन फॉरेन्सिक मेडिसिन विभागाचे नेतृत्व करणारे आणि डॉ. श्रीहरी हलनोर यांना रक्ताचे नमुने बदलल्याबद्दल अटक करण्यात आली आहे.
त्यानंतर तिसरा व्यक्ती अतुल घाटकांबळे, हॉस्पिटलचा कर्मचारी – देखील ताब्यात आहे. इतर दोनजण – अश्पाक मकानदार आणि अमर गायकवाड, ज्यांनी आरोपीचे वडील आणि डॉक्टर यांच्यात रक्ताचे नमुने बदलण्यासाठी आर्थिक व्यवहार करण्यासाठी मध्यस्थ म्हणून काम केले होते त्यांना यापूर्वी अटक करण्यात आली होती.
कारमधील इतर दोन अल्पवयीन मुलांचेही रक्ताचे नमुने अदलाबदल करण्याचे प्रयत्न करण्यात आले, ज्यासाठी डॉ. तावरे यांनाही अडकवण्यात आले होते. त्याला 2.5 लाख रुपये द्यावे लागणार होते असे वकिलांनी सांगितले. त्यांचे देखील रक्ताचे नमूने बदलून त्यांच्या आईचे रक्ताचे नमुने वापरण्याची योजना करण्यात होती.
परंतु एका मुलाचे आणि त्याच्या आईचे रक्तगट जुळत नसल्यामुळे आणि दुसऱ्या प्रकरणात आईच्या रक्तात अल्कोहोल असल्याने ते अडचणीत आले होते. यामुळे दोन पुरुषांचे नमुने घेऊन ते बदलले गेले. सोबत असलेल्या एका अल्पवयीन मुलाच्या वडिलांनाही अटक करण्यात आली आहे.
प्रत्येक प्रकरणात रक्त काढण्याचे आदेश दिलेल्या प्रशिक्षणार्थी डॉक्टरांना अल्कोहोलमध्ये बुडवलेल्या कापूसाऐवजी कोरडा कापूस वापरण्यास सांगण्यात आले होते.प्रथेप्रमाणे – संभाव्य अल्कोहोलचे नमूने टाळण्यासाठी असं करण्यात आल्याचं पोलिसांनी सांगितलं.
पोलीस प्रमुख अमितेश कुमार यांनी देखील स्पष्ट केलं की, ‘स्थानिक पोलीस 19 मे रोजी अपघातानंतर प्रोटोकॉलचे पालन करण्यात अयशस्वी ठरले. पण नंतर आम्ही कठोर कारवाई केली.’ एनडीटीव्हीने यासंदर्भातील वृत्त प्रसिद्ध केलं आहे.
आरोपीचा पोर्शेवरील ताबा सुटल्याने आणि दुचाकीवरून आदळल्याने हा अपघात झाला, त्यात 24 वर्षीय सॉफ्टवेअर इंजिनिअर अनिश अवधिया आणि अश्विनी कोष्टा यांचा मृत्यू झाला होता.
