एनडीए सरकारच्या राज्यात मुली, महिला सुरक्षित नसल्याचे पुन्हा उघड झाले आहे. शेतात पीक कापणीसाठी आलेल्या 17 वर्षीय मुलीचे अपहरण करून तिच्यावर सामूहिक बलात्कार करण्यात आल्याची घटना मध्य प्रदेशातील दातिया येथे घडली. नराधमांनी या घटनेचा व्हिडिओ सोशल मीडियावर पोस्ट केला. व्हिडिओ पीडितेच्या भावापर्यंत पोहोचल्यानंतर त्याने पोलिसांत धाव घेतली. पोलिसांनी एकाला अटक केली असून इतर दोघे फरार आहेत.
घटनेबाबत कुणाकडे वाच्यता केलीस तर तुला ठार मारू अशी धमकीही आरोपींनी दिली होती. त्यामुळे ती मुलगी गप्प राहिली. मुलीला धीर देत पोलिसांनी विचारले असता तिने घडला प्रकार सांगितला. जसवंत पाल, सत्येंद्र आणि नीरज अहिरवर या तिघांविरोधात पोलिसांनी गुन्हा दाखल केला.
