जालना शहरातील मियासाहेब दर्गा येथे 8 जुलै रोजी रात्री नऊ वाजेच्या सुमारास तरुणाचा खून करण्यात आल्याची घटना घडली आहे. शेख समीर शेख जमील (25) रा. मियासाहेब दर्गा जालना असं मयत तरुणाचे नाव आहे.
शेख समीर हा तरुण जेवण करून घराबाहेर आला असता एका माथेफिरू व्यक्तीने तरुणाच्या पोटावर आणि छातीवर चाकूने वार केले. त्यात तरुण रक्तबंबाळ झाला. यावेळी परिसरील नागरिकांनी त्यास उपचारासाठी एका खाजगी रुग्णालयात दाखल केले. मात्र खाजगी रुग्णालयातून डॉक्टरांनी त्याला घाटी रुग्णालयात पाठवले. घाटी रुग्णालयातील डाॅक्टरांनी त्याची तपासणी करून त्याला मृत घोषित केले.
सदर व्यक्तीचा मृतदेह जालना जिल्हा सामान्य रुग्णालयात ठेवण्यात आलेला आहे. सदर ठिकाणी मृत तरुणाच्या नातेवाईकांनी मोठी गर्दी केली असून जो पर्यंत मारेकऱ्याला पोलिस अटक करत नाही, तो पर्यंत तरुणाचा मृतदेह ताब्यात न घेण्याचा इशारा मयातच्या नातेवाईकांनी दिला आहे. माथेफिरू व्यक्ती कोण होता, त्याने असं अचानकपणे मयत समीर याच्या पोटावर आणि छातीवर 8 ते 10 वार का केले हे अद्यापपर्यंत कळू शकलेले नाही. दरम्यान या घटनेने जालना शहरात एकच खळबळ उडाली आहे. मयत समीर हा कपड्याच्या दुकानावर कामाला होता. दुकानाला सुट्टी असल्याने तो जालना येथील त्याच्या घरी आला होता.
