जम्मू-कश्मीरमधील कठुआ जिल्ह्यातील माचेडी भागात सोमवारी दहशतवाद्यांनी हिंदुस्थानच्या लष्कराच्या ताफ्यावर हल्ला केला. ज्या ठिकाणी हल्ला झाला ते ठिकाण लष्कराच्या 9 कॉर्प्सच्या अखत्यारित येते. दरम्यान, मिळालेल्या नवीन माहितीनुसार दोन जवान जखमी झाल्याचं वृत्त आहे.
संरक्षण अधिकाऱ्यांनी दिलेल्या माहितीनुसार, ‘जम्मू आणि कश्मीरमधील कठुआ जिल्ह्यातील माचेडी भागात हिंदुस्थानी लष्कराच्या ताफ्यावर दहशतवाद्यांनी हल्ला केला. हा भाग हिंदुस्थानी लष्कराच्या 9 कॉर्प्सच्या अंतर्गत येतो’.
दहशतवादी हल्ल्यानंतर हिंदुस्थानी जवानांनी हल्लेखोरांना जोरदार प्रत्युत्तर दिलं. जवानांनी तात्काळ गोळीबार करत प्रत्त्युत्तर दिलं.
जम्मू-कश्मीरमध्ये गेल्या काही महिन्यांत दहशतवादी हल्ल्यांच्या संख्येत वाढ झाली आहे. राजौरी जिल्ह्यातील माजाकोट भागात 7 जुलै रोजी लष्कराचा एक जवान जखमी झाल्यानंतर दहशतवाद्यांना पकडण्यासाठी व्यापक शोध मोहीम सुरू करण्यात आली होती.
