तेलुगू टेलिव्हिजन मालिकांमधून घराघरात पोहोचलेली अभिनेत्री पवित्रा जयराम यांचा काही दिवसांपूर्वी कार अपघातात मृत्यू झाला होता. मात्र पत्नीच्या अशा अपघाती निधनामुळे पतीने टोकाचे पाऊल उचलून आपलेही जीवन संपवले. पत्नीच्या निधनाच्या अवघ्या काही दिवसांमध्येच अभिनेत्याने आत्महत्या केल्याने एकच खळबळ उडाली आहे. या घटनेने मनोरंजनसृष्टी हादरली असून शोक व्यक्त केला जात आहे. तेलुगू इंडस्ट्रीत टीव्ही मालिकेतील अभिनेता चंद्रकांत यांनी जीवन संपवले आहे.
चंद्रकांत असे त्या अभिनेत्याचे नाव आहे. चंद्रकांतची पत्नी पवित्रा जयराम हिचे कार अपघातात निधन झाले होते. पत्नीच्य़ा जाण्याचे दुःख चंद्रकांतला सहन झाले नाही. तो पत्नी पवित्रा जयरामच्या निधनानंतर प्रचंड मानसिक तणावात होता. त्यामुळे अभिनेत्याने शुक्रवारी तेलंगणातील अलकापूर येथील आपल्या राहत्या घरी आत्महत्या केली. इंडिस्ट्रीतील दोन कलाकारांच्या आकस्मित निधनामुळे तेलगू इंडस्ट्रीला मोठा धक्का बसला आहे.
View this post on Instagram
चंद्रकांतने आत्महत्येच्या काही दिवसांपूर्वी आपल्या पत्नीसाठी सोशल मीडियावर एक भावनिक पोस्ट शेअर केली होती. या पोस्टमध्ये त्यांनी लिहिले, ‘तुझ्यासोबतचा शेवटचा फोटो (रडणारा इमोजी) मला एकटे सोडण्याचा विचार पचनी पडत नाही, माझी पावी (पवित्रा) आता नाही (रडत आणि प्रार्थना करणारा इमोजी) प्लीज, परत ये.’ चंद्रकांतने आपल्या इन्स्टाग्राम स्टोरीमध्येही, पापा (पवित्रा) परत ये ना…परत येत माझ्या डोळ्यातील अश्रू पुस… अशी भावनिक पोस्ट चंद्रकांतने केली.