महाराष्ट्र राज्य सामाईक प्रवेश (सीईटी सेल) परीक्षांच्या तारखांमध्ये बदल करण्यात आला आहे. पीसीबी ग्रुप आणि पीसीएम ग्रुपच्या परीक्षांच्या तारखांमध्ये बदल झाला आहे. बदल करण्यात आलेल्या तारखांनुसार एमएचटी सीईटी पीसीबी ग्रुपची परीक्षा 22, 23, 24, 28, 29 आणि 30 एप्रिल 2024 रोजी होणार आहे. पीसीएम ग्रुपची परीक्षा 2, 3, 4, 9, 10, 11, 15, 16 आणि 17 मे 2024 रोजी होणार आहे.
पीसीबी आणि पीसीएम या परीक्षांच्या तारखांसोबतच सीईटीच्या इतर परीक्षांच्या तारखांमध्ये सुद्धा बदल केला आहे. महाराष्ट्र एएसी सीईटी परीक्षा 12 मे रोजी होणार आहे. तर, महाराष्ट्र बीए/बीएससी, बीएड सीईटी आणि एलएल 5 वर्षीय सीईटी या सर्व परीक्षा 18 मे रोजी घेतल्या जाणार आहेत.
महाराष्ट्र नर्सिंग सीईटी परीक्षा 24 आणि 25 मे 2024 रोजी होणार आहे. तसेच महाराष्ट्र बीएचएमसीटी सीईटी परिक्षा 22 मे रोजी घेतली जाणार आहे. या सर्व परिक्षांसबोतच महाराष्ट्र बीबीसीए/बीबीए/बीएमएस/बीबीएमसीई या परिक्षा 27 आणि 29 मे रोजी घेतल्या जाणार आहेत.
