दिल्लीचे मुख्यमंत्री अरविंद केजरीवाल यांना मद्य धोरण घोटाळ्याप्रकरणी ईडीने अटक केली आहे. तर कथित जमीन घोटाळ्याशी संबंधित मनी लाँड्रिंग प्रकरणात ईडीने झारखंडचे माजी मुख्यमंत्री हेमंत सोरेन यांना अटक केली आहे. शनिवारी हेमंत सोरेन यांच्या पत्नी कल्पना सोरेन यांनी अरविंद केजरीवाल यांच्या पत्नी सुनीता केजरीवाल यांची भेट घेतली. कल्पना या शनिवारी दुपारी केजरीवाल यांच्या निवासस्थानी गेल्या होत्या. त्यांच्या भेटीचा भावूक व्हिडिओ व्हायरल झाला आहे.
The courage of these 2 women- Kalpana Soren ji and Sunita Kejriwal ji!
They know their husbands, elected Chief Ministers (1 resigned and 1 current), were arrested only because they are the formal opposition and did not bow down to the government.
Our nation faces a real danger… https://t.co/MYu8EPFq1K
— Aaditya Thackeray (@AUThackeray) March 30, 2024
शिवसेना (उद्धव बाळासाहेब ठाकरे) पक्षाचे नेते, युवासेनाप्रमुख, आमदार आदित्य ठाकरे यांनी त्यांच्या भेटीचा व्हिडीओ शेअर करत भाजपच्या हुकुमशाहीवर टीका केली आहे. तसेच त्यांनी या पोस्टमधून दोन्ही मुख्यमंत्री पत्नींचे कौतुक केले आहे. ”कल्पना सोरेन व सुनीता केजरीवाल या दोन जिगरबाज धाडसी महिला आहेत. त्यांना माहित आहे की त्यांचे पती हे विरोधक असल्याने व सरकारपुढे झुकायला त्यांनी नकार दिल्यामुळे त्यांना अटक करण्यात आलीय. आपला देशातील लोकशाही व संविधान खऱ्या अर्थाने सध्या धोक्यात आले आहे. पण संपूर्ण देश हा अरविंद केजरीवाल व हेमंत सोरेन या आदर्श नेत्यांसोबत आहे. संपूर्ण जग बघतंय की कशाप्रकारे आपल्या देशातील लोकशाही खाली खेचली जातेय व आपण सर्व लोकशाही वाचवण्यासाठी लढत आहोत,
गेल्या आठवड्यात हेमंत सोरेन यांच्या पत्नी कल्पना सोरेन यांनी अरविंद केजरीवाल यांच्या पत्नी सुनीता केजरीवाल यांच्याशी संवाद साधत त्यांना धीर दिला होता.