लोकसभा निवडणुकीचे निकाल जाहीर झाले असून उत्तर मध्य मुंबईत वर्षा गायकवाड यांचा विजय झाला आहे. गायकवाड यांचा 4436 मताधिक्क्याने विजय झाला असून भाजपच्या उज्ज्वल निकम यांचा पराभव झाला आहे.
2014 आणि 2019मध्ये या मतदारसंघात भाजपच्या पूनम महाजन या विजयी झाल्या होत्या. मात्र, मतदारसंघाशी तुटलेल्या संपर्कामुळे यंदा हे तिकीट उज्ज्वल निकम यांना देण्यात आलं होतं.
उत्तर मध्य मुंबई हा महाराष्ट्रातील 48 लोकसभा संसद मतदारसंघांपैकी एक आहे. या मतदारसंघामध्ये मुंबईमधील 6 विधानसभा मतदारसंघ समाविष्ट केले गेले आहेत. या मतदारसंघातून काँग्रेसच्या वर्षा गायकवाड आणि भाजपचे उज्वल निकम यांच्यात लढत होती
गेल्या पाच लोकसभा निवडणुकांचा निकाल
तेरावी लोकसभा 1999-2004 मनोहर जोशी शिवसेना
चौदावी लोकसभा 2004-2009 एकनाथ गायकवाड काँग्रेस
पंधरावी लोकसभा 2009-2014 प्रिया दत्त भारतीय राष्ट्रीय काँग्रेस
सोळावी लोकसभा 2014-2019 पूनम महाजन भारतीय जनता पक्ष
सतरावी लोकसभा 2019-2024 पूनम महाजन भारतीय जनता पक्ष
