तमाम शिवसैनिकांच्या लाडक्या माँसाहेब स्वर्गीय सौ. मीनाताई ठाकरे यांचा 93 वा जयंती दिन म्हणजेच ममता दिन 6 जानेवारी रोजी साजरा होत आहे. यानिमित्त स्व. सौ. मीनाताई ठाकरे स्मृती स्मारक समिती, मुंबईच्या वतीने शिवतीर्थावर सुगम संगीत आणि भजनाचा कार्यक्रम आयोजित केला आहे. ममता दिनानिमित्त राज्यभरातही विविध कार्यक्रमांचे आयोजन करण्यात आले आहे.
शिवतीर्थावर सकाळी 7 वाजल्यापासून दुपारी 1 वाजेपर्यंत विविध कार्यक्रम होणार आहेत. पहिल्या सत्रात श्री सिद्धीविनायक सुगम संगीताचे गुणी कलाकार रविराज नर, राजा कदम, मधुकर वस्त, हर्षदा वस्त, स्मिता तायशेटे, सुहास जयवंत, चंद्रकांत साखरपेकर, सचिन नवले, सचिन मोहिते, संकेत पांचाळ, बाळा परब, अभय बागायतकार भक्तिगीतांचा कार्यक्रम सादर करणार आहेत.
कार्यक्रमाच्या दुसऱया सत्रात आर्यदुर्गा भजन मंडळ, दादर, दैवज्ञ हितवर्धक महिला भजन मंडळ, दादर या संस्थेच्या वतीने भजनगीतांचा कार्यक्रम सादर करणार आहे, अशी माहिती स्व. सौ. मीनाताई ठाकरे स्मृती स्मारक समितीच्या वतीने देण्यात आली.
