अंतिम फेरीत व्हिक्टरी क्रिकेट क्लबवर एका धावेने विजय मिळवत न्यू हिंद स्पार्ंटग क्लबने 76 वी पोलीस ढाल आमंत्रण क्रिकेट स्पर्धा जिंकली. तीन दिवसीय अंतिम सामन्यात शेवटच्या दिवशी खेळ उंचावत त्यांनी प्रतिस्पर्धी संघाच्या तोंडातून अक्षरशः विजय खेचून आणत अजिंक्यपदावर न्यू हिंदचे नाव कोरले आहे.
न्यू हिंदने व्हिक्टरी क्लबसमोर 40 षटकांत 187 धावांचे विजयी लक्ष्य ठेवले. त्यांनी चांगली सुरुवात करत 23 षटकांत 3 बाद 131 धावांपर्यंत मजल मारली होती. मात्र त्यानंतर ठरावीक अंतराने विकेट पडल्याने सामन्यात रंगत निर्माण झाली. व्हिक्टरी सीसीला जिंकण्यासाठी 45 चेंडूंत फक्त नऊ धावा हव्या होत्या आणि त्यांच्या चार विकेट शिल्लक होत्या. त्यावेळी न्यू हिंद स्पार्ंटग क्लबच्या गोलंदाजांनी टिच्चून मारा करताना केवळ सात धावा देत उर्वरित विकेट मिळवल्या. पहिले दोन दिवस व्हिक्टरी सीसीने वर्चस्व राखले. मात्र तिसऱया दिवशी माफक लक्ष्य असूनही न्यू हिंदच्या गोलंदाजांनी अनपेक्षित खेळ करत पूर्ण सामनाच फिरवला.
